Բացահայտեք Հերակլիոնը՝ Կրետեի Մարգարիտը

Հերակլիոնը` Կրետեի աշխույժ մայրաքաղաքը, միավորում է հին պատմությունը, գեղատեսիլ բնությունը և տաք միջերկրածովյան կլիման։ Այս քաղաքը, որը կապված է Հերակլեսի և Մինոտավրի լաբիրինթի լեգենդների հետ, առաջարկում է մշակութային ու ժամանակակից տարբեր տեսարժան վայրեր։

Հիմնական տեսարժան վայրերն են՝

Պատմություն և Մշակույթ

● Կնոսոսի Պալատ

Ըստ լեգենդի, Կնոսոսի պալատը կառուցվել է բրոնզի դարում, մեծագույն ճարտարապետ, նկարիչ և քանդակագործ Դեդալի կողմից, որը աքսորվել է Աթենքից և ապաստարան գտել Կրետեում ` թագավոր Մինոսի պալատում: Այնտեղ Դեդալը կառուցել է մի հայտնի լաբիրինթոս, որտեղ Մինոս թագավորը թաքցնում էր հրեշ Մինոտավրին: Լեգենդի համաձայն լաբիրինթ մտնող ոչ մի անձ չէր կարողանում գտնել դուրս գալու ճանապարհը: Միայն թագավոր Տեսեյին է հաջողվում հաղթել մինոտավրին և դուրս գալ լաբիրինթից թելի կծիկի օգնությամբ:

● Սուրբ Տիտոսի տաճար

Այս գեղեցիկ տաճարը կառուցվել է 10-րդ դարում `բյուզանդական կայսր Նիկեփոր Ֆոկասի հրամանով։ Իր պատմության ընթացքում տաճարը ծառայել է որպես ուղղափառ եկեղեցի, կաթոլիկ տաճար և մահմեդական մզկիթ։ Այսօր այն ուղղափառ տաճար է, որը հայտնի է իր վառ գունավոր վիտրաժներով և հսկայական փորագրված փայտե ջահով։

Կուլեսի ամրոց

Ամրոցի գլխավոր պարիսպներին պատկերված է առյուծ, որը խորհրդանշում է սուրբ Մարկ ավետարանչին։ Միաժամանակ նաև հանդիսանում է Հերակլիոն և Վենետիկ քաղաքների խորհրդանիշը։ Ամեն տարի վենետիկցիներն օգտագործում են հին նավատորմը շրջակա Դիա և Ֆրանսկի կղզիներից քարեր տեղափոխելու համար։

● Վենետիկյան Լոջիա

Այս նրբաճաշակ շենքը, որը կառուցվել է 17-րդ դարի առաջին կեսին, ժամանակին ծառայել է որպես հանրային շենք և քաղաքային ազնվականների ակումբ։

Ժամանակակից տեսարժան վայրեր

● Կրետեի Ակվարիում

Կրետեի Ակվարիումը գտնվում է Հերակլիոնից 15 կմ հեռավորության վրա՝ Հերսոնիսոս փոքրիկ քաղաքում։ Ներկայումս Կրետեի ակվարիումը իր հարկի տակ ներկայացնում է ավելի քան 2500 ծովային բնակիչ։

● Դեդալու փողոցի խանութներ

Վայելեք նորաձևության շունչն ու տեղական համեղ ուտեստները, ինչպես օրինակ ձիթապտուղն ու պանիրը։

● Լավագույն ժամանակը այցելելու համար

Մեղմ կլիմայի շնորհիվ Հերակլիոնը հրաշալի է տարվա ցանկացած եղանակին։ Ամռանը անցկացվում են արվեստի միջազգային փառատոններ, իսկ գարնանը՝ Մայիսի 1-ին, ծաղիկների փառատոնը։

Հերակլիոնը Ձեզ կպարգևի անմոռանալի տպավորություններ՝ լինեք պատմության, խոհանոցի թե ծովային հանգստի սիրահար։