Բրյուսելը հիասքանչ քաղաք է, որտեղ համադրում են ժամանակակից ենթակառուցվածքները և հարուստ բազմազգ մշակույթը։ Այստեղ դուք երբեք չեք ձանձրանա՝ շնորհիվ հետաքրքիր տեսարժան վայրերի, աշխույժ մթնոլորտի և մշակութային բազմազանության։

Ի՞նչ անել և ու՞ր այցելել Բրյուսելում

Գրանդ-Պլաս

Բրյուսելի սրտում գտնվող այս հրաշալի հրապարակում միավորվում են գոթիկայի և բարոկկոյի ճարտարապետական ոճերը։ Վերածննդի և միջնադարյան շենքերը նեղ փողոցների հետ միասին հիանալի կերպով միաձուլվում են ֆրանսիական ոճի ընդարձակ պողոտաների հետ։ Հրապարակի կարևորագույն կառույցներից են Բրյուսելի քաղաքապետարանը, քաղաքային թանգարանը և Գիլդիաների տունը, որոնք ներկայացնում են քաղաքի հարուստ պատմությունն ու մշակույթը։

Եվրոպական խորհրդարան

Այս կառույցը Եվրոպայի քաղաքական սրտն է, որտեղ կայացվում են ամենակարևոր որոշումները։ Այցելուները կարող են մասնակցել անվճար էքսկուրսիայի՝ աուդիոգիդի ուղեկցությամբ, որը հասանելի է ԵՄ բոլոր 28 պաշտոնական լեզուներով։

Mont des Arts (Արվեստների լեռ)

Այս գեղեցիկ հրապարակից բացվում է հիասքանչ տեսարան դեպի Բրյուսել։ Այստեղ են գտնվում քաղաքի ամենահայտնի թանգարանները, ներառյալ Բելգիական Թագավորական արվեստի թանգարանը, երաժշտական գործիքների թանգարանը, ինչպես նաև Մագրիտի և Բելվյուի թանգարանները։

Շոկոլադի թանգարան

Բելգիան հայտնի է իր շոկոլադով, իսկ այս թանգարանը բացահայտում է շոկոլադի արտադրության գաղտնիքները։ Բելգիայում տարեկան արտադրվում է ավելի քան 22,000 տոննա շոկոլադ։ Այցելուներին առաջարկվում է մասնակցել նաև համտեսի։

Գարեջրի թանգարան

Բելգիական գարեջուրը համաշխարհային ճանաչում ունի, իսկ այս թանգարանում դուք կծանոթանաք դրա պատմությանը, արտադրության գործընթացին և շշերի ու տարաների տարբեր տեսակներին։ Էքսկուրսիան ավարտվում է գարեջրի համտեսով։

Նոտր-Դամ-դյու-Սաբլոն

Այս եկեղեցին համարվում է Բելգիայի ամենագեղեցիկ նոր գոթական եկեղեցիներից մեկը։ Ներսում ձեզ կզարմացնեն հիասքանչ վիտրաժներն ու նուրբ ինտերիերը։

Ատոմիում

Այս հայտնի կառույցը, որը ներկայացնում է ատոմի խոշորացված մոդելը, Բրյուսելի խորհրդանիշներից մեկն է։ Ամեն գնդի ներսում կազմակերպվում են ցուցահանդեսներ և միջոցառումներ, իսկ վերևի գնդից բացվում է հիանալի տեսարան։

Սենկանտենյեր պուրակ

Լուսանկարների սիրահարների համար այս պուրակը անթերի վայր է։ Այստեղ կգտնեք հիանալի կանաչապատ տարածքներ, այգիներ, ջրվեժներ և լճակներ, որոնք ստեղծում են հանգստացնող մթնոլորտ։

Էյսել մարզադաշտ

Անպայման այցելելի վայր ֆուտբոլի սիրահարների համար։ Այստեղ են կայացել բազմաթիվ պատմական խաղեր, իսկ այսօր այն ծառայում է որպես Բելգիայի հավաքականի հիմնական մարզադաշտ։

Ավտոտեխնիկայի թանգարան

Տեխնոլոգիայի և մեքենաների սիրահարների համար այս թանգարանը իսկական գանձ է։ Այստեղ ցուցադրվում են ամենահին մեքենաները, ռետրո մոդելներից մինչև մրցարշավային ավտոմեքենաներ և հազվագյուտ նմուշներ։

Ի՞նչ է պետք անպայման փորձել Բրյուսելում 

Բրյուսելն իսկական դրախտ է գուրմանների համար։ Այստեղ պետք է անպայման համտեսել բելգիական ֆրին, օշարակապատ վաֆլիները, շոկոլադե կոնֆետները և, իհարկե, աշխարհահռչակ բելգիական գարեջուրը։